Hafnasamlag Norðurlands samanstendur af höfnum á Eyjafjarðarsvæðinu sem tilheyra sex byggðarlögum og fjórum sveitarfélögum. Samlagið var stofnað 1996 með þáttöku Akureyrar, Grýtubakkahrepps, Svalbarðsstrandarhrepps, Glæsibæjarhrepps og Arnarneshrepps, en þau tvö síðastnefndu tilheyra nú Hörgársveit. Hríseyjarhreppur og Grímseyjarhreppur hafa svo sameinast Akureyrarkaupstað.